Kulankaan oo ay kasoo qeybgaleen Wasiirka Amniga Gudaha Hirshabeelle, Gudoomiyaha Maamulka Gobolka Shabeellaha Dhexe, Taliyaha Guutada 3aad qeybta 27aad ee Ciidanka Xoogga Dalka, Taliyaha Hay’adda Nabad Sugida iyo Sirdoonka Hirshabeelle, Taliska Booliska, Saraakiisha Amisom iyo Howlwadeenada Xafiiska Madaxweynaha, ayaa looga hadlay dardar galinta Amaanka guud ee degaanada Hirshabeelle.
Madaxweynaha Dowlad gobaleedka Hirshabeelle Mudane Cali Gudlaawe Xuseen, oo shir guddoomiyay kulankan muhiimka ah ayaa warbixin guud uga dhageystay saraakiisha Hay’adda Amniga Dowlad gobaleedka Hirshabeelle, iyadoo kulankaan looga hadlay Amaanka deegaanada Hirshabeelle, Sameynta Howlgallo qorsheysan, adkeynta Amniga musharixiinta, iyo xaqiijinta Nabad galyada Magaalooyinka Jowhar iyo Beleddweyne oo kamid ah goobaha loo asteeyay in ay ka dhacdo Doorashooyinka Baarlmaanka.
Saraakiisha Hay’addaha Amniga ayaa madaxwaynaha la wadaagay howlgallo qorsheysan oo ay Hay’adaha Amaanka sameeyeen si loo adkeeyo nabad galyada Caasimadda iyo Guud ahaan degaanada Hirshabeelle.
