Ururka 5-aad, guutada 16-aad, kumaandooska danab ee CXD, ayaa howlgallo qorsheeysan ka fuliyey qaar kamid ah deegaanada dhaca Xeebaha gobolka Jubada Hoose.
Ciidamada ayaa si gaar ah howlgalkan ka fuliyay deeganada kala ah Bernaasi, Cusbo, Istanbuul ,Jaamac Caraale iyo Kooyaamo.
Howlgalku intuu socday ayay ciidamada waxay Cagta mariyeen goobo ay gabdaad ka dhiganayeen Maleeshiyaad ka tirsan Kooxaha Nabadiidka naflacaariga ah ee Al-shabaab.
Saraakiisha hoggaamineysa howlgalkan ayaa sheegay in ay sii wadayaan howlgalka ka dhanka ah argagixisada inta laga ciribtiro lana soo afjarayo gumaadka ay ku hayaan shacabka Soomaaliyeed.
