Maanta oo tariikhda tahay 11-05-2022: waxa Teendhada Afisyooni ka dhacayo hadal-jeedinta Musharaxiinta u tartamayo Madaxweynaha 10-Aaad ee Jamhuuriyadda Soomaaliya,sida uu ahaa jadwalka ay horay u shaaciyeen Guddiga iskudhafka ah ee doorashada Madaxweynaha
Waxa lagu wadaa in khudbadahooda Musharaxnimo Maanta oo ah maalintii koowaad ay jeediyaan 20- xubnood sida qorshuhu yahay,waxana xarunta teendhada Afisyooni oo ah halka aya hadal jeedinta ka dhaceyso ku sii wajahan xubnaha Musharaxiinta ee Maanta ku qoran khudbadaha,waxana Aad loo adkeeyay Amniga goobta ay hadal jeedintu ka dhaceyso taa oo Amnigeeda ay sugayaan ciidamada nabad ilaalinta ee ATMIS iyo ciidanka Booliska Soomaaliya.
Shalay ayay ahayd markii Guddiga ay soo gaba-gabeyeen Diiwaan gelinta Musharaxiinta u tartamayo doorashada Madaxweynaha Jamhuuridda Soomaaliya,iyadoo ay is diiwaangeliyeen 39-Musharaxa oo u taagan qabashada xilkaas.
Doorashada Madaxweynaha 10-aad ee Jamhuuriyadda Federaalka Soomaaliya ayaa lagu wadaa inay dhacdo 15 May 2022 oo ku beegan maalinta Axadda ee soo socoto.
