Agaasimaha guud ee Wasaaradda dhallinyarada iyo Ciyaaraha Xukuumadda Federaalka Soomaaliya Mudane Cabdiraxiim Warsame Diiriye iyo Agaasimaha Waaxda dhallinyarada Cabdullaahi Cabdi Maxamed ( Xiirey ), ayaa ka qayb-galay kulan wadatashi ah oo looga arrinsannayay dib u eegista qorshaha ee dhab u heshiisiinta Qaran oo Wasaaradda arrimaha gudaha, Federaalka iyo dib-u-heshiisiintu soo qaban qaabisay.
Agaasimaha guud iyo Agaasimaha waaxda dhalinyarada,ayaa shirka la wadaagay qorshaha Wasaaradda dhallinyarada iyo Ciyaaraha ee ku aadan nabadaynta iyo xaslinta dalka iyo kaalinta muhiimka ah ee Dhalinyarada Soomaaliyeed ay ka gelli karaan dib-u-heshiisiinta dadka Soomaaliyeed maadaama Dhallinyarada yihiin dhibanayaasha koobaad.
In ka badan 75% dadka Soomaaliyeed waa dhallinyaro da’doodu ka yartahay 35 jir, waana awood muhiim ah oo haddii aan looga faa’iidaysan dhanka dhismaha iyo horumarinta Qaranka ay sahlan tahay inay duufsadaan kooxaha xagjirka ah iyo kooxaha kale ee geesta danbiyada Abaabulan.
