Wasaaradda Difaaca Britain ayaa sheegtay maanta oo Sabti ah, in Ruushku uu damacsanyahay in tiro ka mid ah Gantaallahiisa ballistic-ga uu ku weerarro kaabayaasha muhiimka ah ee Ukraine.
Warkan ka soo baxay Wasaaraddu ayaa intaa ku daray, in ay suurtogal tahay in Moscow, oo ka faa’ideysaneyso qaybo ka mid ah kaydkeeda Gantaallada riddada gaaban ee loo yaqaanno Iskander ee miisaankoodu yahay 500 kiiloogaraam, masaafo ahaana gaara 500 oo kilomitir ay u adeegsan karto weerarro ay la damacsantahay kaabayaasha Ukraine
Digniintan ka soo baxday Britain ayaa timid saacado ka dib markii uu Maraykanka muujiyay walaaca uu ka qabo samaynta iskaashiga difaac ee ka dhexeeya Ruushka iyo Iiraan ay ku yeelan karto dagaalka ka socda dalka Ukraine.
