Marwada Madaxweynaha dalka Marwo Sahra Cumar Xasan oo ugu hambalyeysay Haweenka Soomaaliyeed maalinta caalamiga ah ee 8 maarso ayaa sheegtay in dumarka soomaaliyeed ay kaalin muuqata ku leeyihiin qorshaha Qaran ee dalka looga xoreynta khawaarijta Alshabaab.
Marwo Sahra Cumar Xasan ayaa haweenka Soomaaliyeed ku adkeysay in ay xoojiyaan midnimada, dowlad wanaagga iyo isku duubni dhexdooda ah, iyadoo si gaar ah ugu baraarujisay bulshada soomaaliyeed in la garab istaago qoysaska ay ka geeriyoodeen dadkii ay dileen khawaarijta iyo askarta ku shahiiday xoreynta dalka.
Ugu danbeyn Marwo Sahra Cumar Xasan ayaa munaasabadda 8 maarso awgeed ugu baaqday Haweenka Soomaaliyeed in ay sii dardargeliyaan daddaallada ay ku garabsiinayaan Ciidamada Qaranka ee dagaalka kula jiro khawaarijta Alshabab.
