Ciidamada xoogga dalka iyo kuwa dib u xoreynta degaanka ayaa si buuxda ula wareegay deegaanada kala ah Tix, Baraag Sheekh Caamir, Caliheele iyo Cali Axmed, oo dhammaantood hoos taga degmada Galcad ee Gobolka Galgaduud.
Kooxda Khawaariijta ah ee Al-Shabaab jab xoogan ayaa loogu geeystay weerarka lagu qaaday saldhigyadoodii deeganadaasi ay ku lahaayeen, sida ay warbaahinta Qaranka u sheegeen saraakiisha CXD ee hoggaamineysa howlgalka.
Dhanka kale argagaxisadu waxay burburiyeen xarumahii isgaarsiinta degmada Galcad, halkaas oo ay hareeraha ka joogaan ciidanka xoogga dalka iyo kuwa dib u xoreynta deegaanka.
