Wasiirka Wasaaradda Caafmaadka iyo daryeelka bulshadda Xukuumadda Federaalka Soomaaliya Dr. Cali Xaaji Aadam ayaa daahfuray xafladda Aladda U Report oo macnaheedu yahay ‘’Codkaaga kor uqaad’’ kaas oo ah hab sahlaya in si fudud lagu soo gudbiyo fariimaha muhiimka ah ee ka imaanaya bulshada qeybaheeda kala duwan, awoodna usiinaya shaqaalaha wacyi gellinta in ay helaan soona gudbiyaan xog sax ah.
Munaasabadda waxaa hadal ka jeediyey qaar ka mid ah bahda Wasaaradda Caafmadka, xubno ka socday He’yadda Unicef, xubno ka socdey Maammulka Gobalka banaadir iyo Ururka Cilmi baarista Soomaaliyeed.
Daahfurka U Report ayaa looga hadlay muhiimadda ugu weyn oo ah in sare loo qaado doorka bulshada ee la xariira ka qaybgalka adeegga loo qabto iyo in la xoojiyo aqoonta la xariirta isticmaalka U-Report, si loo helo xog laysku halayn karo go’aan sax ahna lagu qaadan karo.
Daahfurka waxaa sidoo kale diiradda lagu saarey in xoogga la saaro sare u qaadida aaladda fulinta U Report, iyadoo ugu dambeyna Wasiirka Wasaaradda Caafimaadka iyo daryeelka bulshada xukuumadda Federaalka Soomaaliya Dr Cali Xaaji Aadan uu soo xirey xafladda daahfurka Aaladdaa U Report.
