Ciidanka xoogga dalka Soomaaliyeed, gaar ahaan qaybta 60-aad ayaa waxaa maanta isku soo dhiibay Cali Ibraahim Cabdi, ninkaan ayaa Khawaarijta u qaabilsanaa qeybta ay ugu yeeraan jabhadaha, wuxuuna ka qeyb qaatay dagaalo ka dhacay deegaanno ka tirsan gobollada Baay, iyo Gedo.
Cali wuxuu u sheegay ciidanka Qaranka in dhibaatooyin badan uu la kulmay sanadihii uu ka tirsanaa Khawaarijta, sidoo kalena uu u dul-qaada waayey sida arxan darrada ah ee shacabka ay ula dhaqmaan, isagoo dhallinyarada ku hartay argagixisada ugu baaqay inay dadka iyo dowladooda dib ugu soo noqdaan.
