Madaxweynaha Dowlad Goboleedka Hirshabeelle Mudane Cali Guudlaawe Xuseen oo maanta dib ugu laabtay Magaalada Jowhar ee Caasimadda Hirshabeelle ayaa kormeeray goobihii ganacsiga ee ku gubtay dabkii xalay ka kacay qeybo kamid ah Suuqa Magaalada Jowhar.
Madaxweynaha Hirshabeelle oo u kuurgalayay qasaaraha xoogan ee uu geystay dabkii xalay ayaa dul istagay dukaamo iyo ganacsiyo kale oo uu baabi’iyay dabka, waxa uuna sidoo kale Ganacsatada u diray fariin ka turjumeysa sida uu uga xun yahay khasaaraha kasoo gaaray dabka isagoo xusay in guddi soo qiimeeya inta ay la egtahay qasaaraha hantiyeed uu saari doono xaalada suuqa Magaalada Jowhar.
