Madaxweynaha dowlad Goboleedka Jubbaland Mudane Axmed Maxamed Islaam ayaa masjidka Madaxtooyada ku soo xiray tartanka Quraanka kariimka ah ee bisha barakaysan ee Ramadan.
Tartankan oo ay sanadkii 13-aad oo xiriir ah ay qabanayso Wasaaradda Diinta iyo Awqaafta ee Jubbaland ayaa Madaxweynahu uu abaalmarino kala duwan gudoonsiiyay guulaystayaasha sanadkan.
Related posts
Maxamed Salmaan Saalax oo kaalinta koobaad ka galay tartanka 30-ka Jus ayaa Madaxweynaha Jubbaland Axmed Maxamed Islaam uu ku abaalmariyay gaari Toyota Surf ah
Farxaan Cabdirasaaq Maxamed oo 30-ka Jus ka galay kaalinta labaad ayuu mudane Axmed Maxamed Islaam gudoonsiiyay gaari Toyota Succeed ah.
Ayuub Cabdulaahi Cumar oo kaalinta sadexaad ka galay tartanka 30ka Jus ee Quraanka kariimka ah ayaa la guddoonsiiyayย $4,000 oo dollar.
Maxamed Axmed Maxamed oo kaalinta koobaad ka galay tartanka Quraanka kariimka ah ee 15ka Jus ayaa la guddoonsiiyay gaari Suzuki Alto.
Hinda Cabdi Diroow oo kaalinta Labaad ka gashay tartanka ayaa lagu abaalmariyay $3,000 oo dollar.
Maxamed Cabdi Deeq oo galay kaalinta sadexaad ayaa isna lagu abaalmariyay $2,000 oo dollar.
Madaxweynaha Dowlad Goboleedka Jubbaland ayaa u mahadceliyay Wasaaradda Awqaafta iyo Diinta iyo Muโasasada Al ummah oo si wadajir ah sanadkii 13-aad u qabtay tartanka Quraanka Kariimka ah ee bisha Barakaysan ee Ramadan.
