Guddiga Gaarka ah ee Arrimaha Xabsiga Dhexe Xamar ee Golaha Shacabka Baarlamaanka JFS ayaa maanta Wasaaradda Gaadiidka iyo Duulista Hawada XFS waxa ay kala wareegeen 1 Gaari Bas ah oo loogu tala galay in loogu adeego Maxaabiista Xabsiga dhaxe ee xamar.
Guddoomiyaha Guddiga Gaarka ah Xildhibaan Bashiir Cabdi Maxamed Ameerika ayaa kala wareegay furaha Gaariga baska ah Wasiirka Wasaaradda Gaadiidka Iyo Duulista hawada Marwo Fardowsa Cusmaan Cigaal oo ay wahlinayeen Wasiiru-dowlaha Wassaradda iyo Agaasimaha guude ee Wasaaradda. Wasiir Fardowsa cigaal ayaa sheegtay in baska ay ka codsadeen Guddiga Xabsiyada ayna ka soo jawaabeen codsigooda.
Intaasi kadib Guddoomiyaha Guddiga Gaarka ah Xildhibaan Bashiir Cabdi Maxamed Ameerika iyo xubnaha Guddiga waxa ay siwada jir ah dhankooda ugu wareejiyeen Gaariga Baska ah Taliyaha Ciidanka Asluubta Soomaaliyeed Mahad Cabdiraxmaan Aadan waxa uuna ka Mahadceliyay dadaalka ku aadan wax uqabashada Maxaabiista ku xiran Xabsiga Dhaxe ee Xamar, isagoo siiraaciyay inay xoojin doonaan wadashaqeynta iyo dardar gelinta howlaha baaxadda leh ee horyaala Guddiga Gaarka ah ee Arrimaha Xabsiga Dhexe ee Xamar ayna si wanaagsan u wada shaqeyn doonaan.
