Agaasimaha Guud ee Wasaaradda Qorsheynta dowlad goboleedka Jubbaland Mudane Cabdi Maxamed Dhaqane ayaa Aqoon is weedaarsi ku saabsan habka maaraynta mashaariicda uu maalgaliyo Midowga Yurub ee ka socota Soomaaliya usoo xeray shaqaale ka tirsan Hay’addaha dowlad gobaleedka Jubbaland.
Tabababrkan oo loo qabatay hay’adaha adeeggyada aas-aasiga u hayo bulshada qeybtana ka ah mashaariiicda uu maalgiyo midowga Yurup ee Soomaaliya ayaa lagu qaatay casharro la xariira hannaanka loo curiyo mashaariicda, maamulidda, qaabka loo qiimeeyo iyo siday dowlad gobaleedka Jubbaland uga faa’iideystay Mashruuca horumarinta dhaqaalaha loo dhanyahay iyada oo tababarka ay ka faa’iideysteen ku dhawaad 50 howl-wadeenno sare-sare oo ka socday wasaaradaha dowlad gobaleedka Jubbalanad.
Ku simaha Madaxa Xafiiska Hagida Mashaariicda uu maalgaliyo Midowga NAO ee Wasaaradda Qorsheynta Maalgashiga iyo Horumarinta dhaqaalaha Xukuumadda Federaalka Soomaaliya Mudane Cabdi Muxumad Axmed ayaa dhankiisa tilmaayay muhiimada uu u leeyahay tabababarkaan hay’adaha dowlad goboleedyada dalka oo ay Jubbaland ugu horeyso.
Agaasimaha Wasaaradda Qorsheynta iyo Xariirka Caalamiga ee Wasaaradda Jubbaland Mudane Cabdi Maxamed Dhaqane ayaa uga mahadceliyay tabbabarkan khubrada bixnaysay ee ka socday Wasaaradda Qorsheynta Qaranka waxa uuna sheegay in jubbaland casharrada laga bartay ay ku dabaqi doonto shaqooyinka ay u hayaan bulshada.
