Ardada ka qeybgashay imtixaanka fasalka 8-aad dugsiga dhexe ee degmada xuddur iyo Maamulayaasha,guud ahaan bahda waxbarashada gobolka Bakool ayaa wasaarada waxbarashada xukumadda federaalka Soomaaliya uga mahadceliyey nidaamka dowliga ah ee imtixaanka ugu soo dhamaaday.
Imtixaankaan shahaadiga ah oo guud ahaan dalka ka socday ayaa waxaa sanadkaan u fadhiisteen kumanaan kun oo arday ah 11- Luulyo 2020 waxaana uu soo dhammaaday maanta oo taariikhdu tahay 14-Luulyo 2020 soo gabagaboobay iyadoo xuddur ay ka mid tahay degmooyinka imtixaanka loogu qeybgalay.
Qaar kamid ah ardayda maanta u soo gabagaboobay imtixaanka dugsiga dhexe ayaa rajo wanaagsan ka muujiyey inay uga gudbaan fasalka 9-aad ee waxbarashada heerka sare kanan mid noqdaan ardayda kaalmaha hore soo gala.
Maamulayaasha dugsiyada maama Gedia iyo Shodog Luul Maxamed Nuur iyo Daahir Hilowle ayaa ardayda ugu baaqay in waxbarashadooda ay siiwataan.
Masuuliyiinta waxbarashada Gobol iyo Degmada ayaa sheegey in imtixaankii sidii loogu talagalay u qabsoomay wasaaradana ay uga mahadnaqayaan.
“Waxa uu inoogu qabsoomay sidii loogu talagalay Imtixaanka inagoo qaadaneyno sharuucda ay soo diyaarisay wasaaradda waxbarshada xukumadda federaalka Soomaaliyeed,sidoo kale waxa aan u mahadcelineynaa waalidiinta nagala shaqeeyay inay howshaan culus inoo qabsoomto.
