Kooxda Atletico Madrid ayaa kulankii Madrid derby garoonkeeda Etadio Vicente Calderon 4-0 uga badisay kooxda Real Madrid oo xifaaltan adag kala dhaxeeyo.
Kooxda Atletico Madrid ayaa bilowgii ciyaarta labo gool la hor martay,waxaana u kala dhaliyay ciyaaryahanada kala ah Tiago iyo Saul Niguez,sidasi ayaana lagu lagu kala nastay qeybtii hore ee ciyaarta.
Ciyaaryahan Antoine Griezmann ayaa daqiiqadii 67-aad ee ciyaarta goolka sedaxaad u dhaliyay kooxda Atletico Madrid.
Ciyaarayahan Mario Mandzukic ayaa dhamaadkii ciyaarta goolka afaraad u dhaliyay kooxda Atletico Madrid.
Waa markii u horeysay ilaa mudo 64-sano ay kooxda Real Madrid sedax kulan oo xiriir ah looga badiyo garoonka kooxda Atletico Madrid ee Vicente Calderon.
Kooxda Real Madird ayaa horyaalka Spain ee LaLiga ku hogaamineyso 54-dhibcood,halka kooxda Atletico Madrid oo uu hogaamiyo macalin Diego Simone ay isku dhibco yihiin kooxda Barcelona oo ay wada leeyihiin min 50-dhibcood.
