Guddoomiyaha maxkamada darajada koowaad ee ciidamada qalabka sida Gaashaanle Xasan Cali Nuur Shuute ayaa maanta si rasmi ah uga furay magaalada Jowhar ee maxkamada ciidamada qalabka sida iyo xafiiska xeer ilaalinta maxkamada ciidamada oo wax badan ka tari doonta kiisaska la xiriira arrimaha ciidanka.
Munaasabad lagu furayay maxkamada ciidamada qalabka oo lagu qabtay magaalada Jowhar ayaa waxaa ka qeyb galay guddoomiyaha gobolka Shabeelaha dhexe Cali Cabdulahi Xuseen โGuudlaaweโ,guddoomiye ku xigeenka arrimaha siyaasadda iyo amniga Axmed Meyre Makaraan,saraakiil ka tirsan ciidamada qalabka sida iyo masโuuliyin kale.
Related posts
Guddoomiyaha maxkamada darajada koowaad ee ciidamada qalabka sida Gaashaanle Xasan Cali Nuur Shuute oo ka hadlay munsaasabadaasi ayaa ku dheeraaday ka sheekeynta muhiimada xafiiskani uu u leeyahay dadka reer Jowhar, isagoo sheegay Askarigii dambe galaa in maxkamadu ay cadaalada horkeeni doonto shaqadeedana wixii maanta ka bilowdo ay socon doonto, wuxuuna sidoo kale uu tilmaamay maxkamadu ay tegi doonto goobaha furumaha ah wixii la soo qabtana isla goobta lagu soo saari doonaa maxkamad.
Guddoomiyaha gobolka Sh/dhexe Cali Cabdullahi Xuseen ayaa Furitaanka maxamada ciidamada qalabka sida xafiiskeeda Jowhar soo dhoweeyay isagoo sheegay in maamulka gobolka uu garab istaagi doono sidii maxkamada howlaheeda u gudan laheyd.
