Guddiga doorashada Nigeria, ayaa maanta oo Arbaca ah ku dhawaaqay in musharraxa xisbiga talada haya, Axmed Bola Tinubu uu ku guuleystay doorashadii madaxtinimo ee dalkaasi ka dhacday, taasi oo uu mucaaradka ku tilmaameen mid lagu shubtay.
Sida laga soo xigtay natiijooyinka kama dambaysta ah, Tinubu – guddoomiyihii hore ee Lagos – ayaa ku guuleystay ilaa 8.8 milyan oo cod, halka Atiq Abu Bakar, oo ahaa musharraxii Xisbiga Dimuqraadiga Shacabka, uu helay 6.9 milyan oo cod, sidokale Peter Obi, oo ahaa Musharaxa xisbiga shaqaalaha ayaa helay codad gaaraya 6.1 milyan oo cod.
Marka laga soo tago in Tinubu uu hogaaminayay natiijooyinka doorashada heer qaran, waxa uu sidoo kale ku guuleystay in ka badan saddex-meelood laba meel Codadka guud ee gobollada dalkaas.
Guusha mr Tinubu ayaa sii kordhisa awoodda iyo tageerada Xisbiga Progressive Congress Party (PCP ) oo in mudda ah ka talinayay dalka Nigeria.
