Maxamed Cabdirashiid Ibraahim, Salma C/rashiid iyo Sihaam Cabdirashiid oo Walaalo ah ayaa wacdaro ka dhigay Ciyaaraha Golfka ee lagu qabtay Magaalada Portland Gobolka Oregon ee Dalka Maraykanka.
Ciyaartaan oo ay soo qaban-qaabisay Ururka da’yarta Golfta Qaaradda America ee American Junior Golf Association ayaa waxaa sannadkaan ka soo qayb-gallay 78 ciyaartooy oo ka kala socday daafaha Adduunka da’adooduna u dhaxaysay 12-15,iyadoo Saddex ka mid ah ay ahaayeen Somali Americaan.
Sihaam Abdirashid oo ahayd Gabdha ugu da’da yareyd Ciyaartaan,horana guula uga soo hoyeysay Aasiya iyo Africa, iyadoo xiligaas matalaysay Dalkeena Soomaaliya ayaa hadda gashay kaalinta 10-aad waxayna keentay 14 dhibcood,salma ayaa iyana gashay kaalinta 29-aad, halka Maxamed uu isna galay kaalinta 46-aad.
Cabdirashiid Ibraahim oo ah Aabbaha Carruurtan ayaa war-baahinta Qaranka Soomaaliyeed u sharraxay taariikhdiisa isboortiga, guulaha ay Carruurtiisu ka gaareen Ciyaaraha Golfka iyo wakhtiga ay billaabeen, isagoo u mahad-celiyey cid kasta oo garab istaagtay, gaar’ahaan Wasiir khadiijo Maxamed Diiriye.
Siham, Salma iyo Maxamed ayaa u mahadceliyay dhammaan Jaaliyadda Soomaaliyeed ee Dalka Maraykanka , Wasiir Khadiijo Diiriye iyo intii kusoo garab istaagtay guushooda.
