Ciidamada ammaanka Puntland ee PMPF, gaar ahaan cutubyada Badda oo gulufyo balaaran oo isdaba joog ah ka wada baraha Puntland ayaa habeenimaddii xalay gacanta ku dhigay Hub sharcidaro ah, gaadiidkii wadey iyo 4 eedeysane oo watey, kuwaas oo si dhuumaalaysi ah ku soo gelinayey magaalada Boosaaso.
Hubkan sharcidarada ah oo isugu jirey noocyada kala duwan ee hubka ayay ciidamadu dhammaantood gacanta ku dhigeen, waxaana uu hawlgalku ku soo dhammaaday guul.
Taliska guud ee ciidamada PMPF waxa uu digniin adag u diray cidkasta oo ku hawlan ka ganacsiga hubka sharcidarada ah iyo dembiyada kale ee ka dhan ka ah Amniga deegaanada Puntland, ciddii falalkaasi lagu qabto waxaa la horgeyn doonaa sharciga, iyagoo mutaysan doona ciqaab adag.
