Ciidamada Xoogga Dalka Soomaaliya ayaa ka hor tagay weerar ay Kooxda Al-Shabaab doonaysay inay ku qaadaan degaanka Ceel-baraf oo ka tirsan Gobolka Shabeellada dhexe.
Milliteriga Soomaaliya ayaa ka war helay duullaan qorsheysan oo ay soo abaabuleen Al-Shabaab, waxaana iska hor immaad dhex maray Labada dhinac ku geeriyooday mid ka mid ah ganacsatada degaanka.
Tuulada Ceel-Baraf oo ku dhow Degmada Mahaddaay, ayaa waxaa horay looga saaray kooxda Al-Shabaab,wuxuuna haatan fariisin u yahay Ciidamada Xoogga Dalka Soomaaliya,kuwaasi oo fashiliyay isku dayo dhowr mar ah oo ay ku doonayeen inay dib ugu qabsadaan Ceel Baraf.
