Ciidamada XDS oo gacan ka helaya kuwa AMISOM ayaa howlgallo dheeraad ah ka sameeyay deegaanno hoos yimaada degmooyinka Jalalaqsi iyo Hiiraan.
Howlgalkaasi oo intiisa badan laga fuliyay waddada isku xirta degmooyinka Jalalaqsi iyo Buulobarde ayeey ciidamadu ku burburiyeen saldhigyo qarsoodi ah oo maleeshiyaadka Shabaab ku lahaayeen deegaanno miyi ah oo hoos yimaada degmada Jalalaqsi.
Related posts
Sidoo kale ciidamadu waxey gacanta ku soo dhigeen tiro dad ah oo la rumeysanyahay iney ka tirsanyihiin kooxda Shabaab, iyagoo dhinaca kalena soo qabtay hub iyo saanad ciidan oo ay isticmaalayeen maleeshiyaadka Shabaab.
Saraakiisha ciidamada XDS ee howlgalkaasi horkaceysay ayaa sheegay in ujeedada howlgalkaasi yahay sidii guud ahaan gobolka Hiiraan looga sideeyn lahaa haraadiga maleeshiyaadka Shabaab ee iyagu ku dhuumaaleeysta deegaannada Miyiga ah.
