Ciidamada Xoogga dalka, gaar ahaan cutubyo ka tirsan kumaandooska Danab, ayaa howlgalo lagu xaqiijinayo amniga ka sameeyay deegaanada Maracadde, Galka Salimo iyo tuulooyin kale oo dhammaantood ka wada tirsan gobolka Shabeellaha hoose.
Ujeedka howlgalka ayaa ahaa mid lagu baacsanayay firxadka maleeshiyada Al-Shabaab oo bilaabay in ay shacabka ku dhex milmaan, kadib markii ay Ciidamada Cagta mariyeen goobahii ay ku dhumaleeysanayeen.
Saraakiisha ciidamada ee howlgalkan hoggaaminayay ayaa ka dalbaday shacabka ku nool deegaanada howlgalka laga sameeyay in ay la shaqeeyaan ciidanka si meesha looga saaro haraadiga argagixisada oo dhibaato xooggan ku hayo shacabka.
