Ciidanka Hay’adda Sirdoonka iyo Nabad Sugidda Qaranka ayaa degmada Afgooye ee Gobalka Shabeellaha Hoose ku qabtay Saddex Gaari oo ah nuuca loo yaqaano Homey, kuwaas oo ay ku raranyihiin budada laga sameeyo waxyaabaha qarxa, dab dhaliyaal (Solar’s) Kombiyuutaro iyo agabyo kale oo badan oo ciidamadu isticmaalaan, isla markaana loo waday Khawaarijta.
Howlgalkaan ayaa sidoo kale waxaa lagu soo qabtay Sideed eedeysane oo todobo kamid ah ay ahaayeen dadkii waday alaabtaan iyo hal Muwaadin oo u dhashay wadanka Uganda, kaas oo asna ku sii jeeday deegaannada ay joogaan Khawaarijta haatana ay ciidamadu su’aalo waydiinayaan.
