Sideed kamid ah maleeshiyaadka Alshabaab oo uu ku jiro horjooge, Mukhtaar Nuurow oo argagaxisada ugu xil saarnaa dhibaateynta shacabka gobolka Baay, ayay ciidankaย xoogga dalka maanta ku dileen degmada Diinsoor, sida uu sheegay taliyaha ciidanka.
Sareeyo guuto Odawaa Yuusuf Raage, oo la hadlay Idaacadda codka ciidamada qalabka sida, ayaa xaqiijiyay dilka maleeshiyaadkan argagaxisada ah, isagoo intaas ku daray in dilka uu dhacay markii maleeshiyaadka isku dayeen in ay carqaladeeyaan amniga degmada Diinsoor.
Related posts
Ciidanka xoogga dalka ayaa soo bandhigay meydadka maleeshiyaadka la laayay, sidoo kale ciidanka waxaa ay furteen saanad ciidan oo argagaxisada ka carareen ka dib markii iska caabin adag kala hor yimaadeen ciidanka qaranka.
Taliyaha ciidanka xoogga dalka, ayaa sidoo kale sheegay in laga war hayay maleeshiyaadka isla markaana si wanaagsan loogu diyaar garoobay.
Ma ahan markii ugu horeysay oo sidan oo kale jab loo gaarsiiyo maleeshiyaadka Alshabaab oo ku dhuumaaleysanaya degaanada gobolka Baay.
