Ra’iisul-wasaaraha dawladda Federaalka Soomaaliya Cumar Cabdirashiid Cali Sharma’arke iyo wafdi ballaaran oo uu hoggaaminayo oo ka kooban labada gole ee dawladda Federaalka Soomaaliya ayaa maanta si diirran.
Soo dhoweynta Ra’iisul-wasaaraha waxaa ka qayb qaatay Madaxweynaha Puntland, Guddoomiyaha Baarlamaanka Puntland Axmed Cali Xaashi, labada guddoomiye ku-xigeen, Wasiirro, Xildhibaano, siyaasiyiin, saraakiisha ciidan iyo dadweyne kale oo aad u tiro badan.
Wafdigaasi uu hoggaaminayey Ra’iisul-wasaaruhu ayaa soo dhoweyn kadib waxaa loo gudbiyey qasriga Madaxtooyada Puntland ee Garoowe, halkaas oo ay si wada jir ah warbaahinta qaybeheeda kala duwan ugula hadleen Madaxweynaha Puntland Dr C/weli Gaas iyo Ra’iisul-wasaaraha dawladda Federaalka Soomaaliya.
Madaxweynaha Puntland Dr. Cabdiweli Maxamed Cali Gaas ayaa sheegay in socdaalka Ra’iisul-wasaaruhu uu salka ku hayo indho-indhaynta hawlaha la xiriira arrimaha doorashooyinka oo ka soconaya guud ahaan dalka Soomaaliya.
Dhinaca kale Ra’iisul-wasaaraha Soomaaliya Cumar Cabdirashiid Cali ayaa sheegay in uu aad ugu faraxsan yahay sida aan kala harka lahayn ee mas’uuliyiinta Puntland iyo shacabkeeduba u soo dhoweeyeen isaga iyo wafdigiisa isagoo tilmaamay in uu muddo kooban sii joogi doono Puntland.
