Ugu yaraan 12-qof ayaa ku dhimatay 13-kalana waa ay ku dhaawacmeen isbuurasho ka dhacday goob lagu cibaadeysto oo ku taal Kashmir qeybta ay maamusho Hindia saacadihii hore ee ssaakay, sida ay sheegeen saraakiisha maamusha Kashmiir qeybta Hindiya.
โUgu yaraan 12-qof ayaa naftooda ku waayay 13-kalena waa ay ku dhaawacmeen,โ sida mid ka mid ah saraakiisha sare ee dowladda uu u sheegay wakaaladda wararka ee AFP.
โKhasaaruhu wuu badnaan karaa maadaama dariiqa loo maro macbadka buurta sare ay ka buuxaan dad isku dayaya inay sameeyaan booqashooyinka sanadka cusubโ ayuu yidri Sargaalkan oo magaciisa qariyay.
Isbuurashada ayaa ka dhacday Macbadka Mata Vaishno Devi, oo ah mid ka mid ah macbadyada Hinduuga ee aadka looga qadariyo waqooyiga dalkaasi ย Hindiya.
Sarkaal kale oo ka tirsan Heyโadda ka hortagga ย masiibooyinka ayaa dhankiisa xaqiijiyay in toro ka mid ah dadkii Macbadka ku jiray ay geeriyodeen, isagoo sheegay in isbuurashad ay dhacday aroortii hore ee saakay.
Raโiisul Wasaaraha Hindiya Narendra Modi ayaa Twitter-kiisa ku yiri โAad ayaan uga xumahay khasaaraha nafeed ee ka dhacay mid kamid ah goobaha cibaadada dalkaโ ย isaga oo intaa ku daray in uu la xiriiray masโuuliyiinta deegaanka.
