Dibad-baxyo nabadeed oo lagu taageerayo doorashada Madaxweynaha cusub ee Galmudug ayaa ka socoto maanta Magaalooyin ka tirsan gobolada dhexe ee Somalia oo hoos taga Maamulka Galmudug.
Dibad Baxyada ugu weyn ayaa ka dhacaya Magaalada Cadaado halkaasoo ay iskugu soo baxeen qeybaha bulshada iyo waxgaradka magaalada oo taageero u muujiyey Madaxweyne Qoor-qoor iyo ku-xigeenkiisa, iyagoo watay boorar lagu sawiray madaxda Galmudug.
Sidoo kale dibad-bax nabadeed oo ay soo qabanqaabiyeen Dowladda Hoose ee Magaalada Gaalkacyo ayaa ka socdo koonfurta magaalada Gaalkacyo ee gobolka Mudug , waxa ay muujiyeen Bulshada Ku dhaqan magaalada Gaalkacyo sida ay u taageersan yihiin Madaxweynaha iyo Madaxweyne Ku xigeenka Cusub ee shalay la doortay.
Sidoo kale Magaalada Dhusamareeb ayaa Hadda waxaa ka socanaya Banaanbax Nabadeed oo lagu Taageerayo Doorashadii Shalay ka dhacday Magaalada Dhusamareb laguna Doortay Madaxwaynaha Galmudug iyo ku-xigeenkiisa waxaana ka soo Qaybgalay Boqolaal ka mid ah Bulshada Magaalada Dhusamareeb.
Banaanbaxyada lagu taageerayo Madaxweynaha Cusub ee Galmudug iyo ku xigeenkiisa ayaa ka socdo qeybo badan oo ka mid ah.
