Doorashada xubnaha Aqalka hoose ee Baralamanka Soomaaliya u matalaya Dowlad goboleedyada Jubbaland iyo Koofur-galbeed ayaa wali ka socota magaalooyinka Baydhaba iyo Kismaayo iyadoo dhowr xildhibaanna ay soo baxeen.
Dhinaca koofur Galbeed Xildhibaanadii ugu horreeyay ee soo baxay waxaa ka mid ah Gudoomiyaha Baaralamanka Md. Maxamed Sheekh Cismaan Jawaari, Xildhibaan Ibraahim Isxaaq Yarow iyo xildhibaan Fowsiyo Maxamed Sheekh
Dhanka Jubbaland waxaa soo baxay Xildhibaan Cabdirashiid Maxamed Xiddig oo hadda ah Wasiiru dowlaha Wasaaradda Arimaha gudaha iyo federaalka Xukuumada Soomaaliya.
Xildhibaanada illaa hadda soo baxay ayaa waxa ay horay uga mid ahaayeen Baarlamanka uu waqtiga ka sii dhamaanayo ee dalka.
Sida Qorshaha labada maamul goboleed ee Koonfur galbeed iyo Jubba –land uu yahay waxaa la filayaa in maanta magaalada Baydhabo lagu doorto sideed Xildhibaan halka Kismaayana todobo Xidhibaan oo ka mid noqonaya aqalka hoose ee Baarlamaanka fadaraalka ee Soomaaliya.
