Baarlamaanka 6-aad ee Dowlad-Goboleedka Puntland ayaa ku howlan maanta doorashada Madaxweynaha sanadaha soo socda hoggaamin doona Dowlad goboleedka Puntland.
Dhamaan musharaxiinta u loolamaya qabashada xilka madaxtinimada Puntland ayaa ku sugan hoolka ay ka dhaceyso doorashada, waxana hadda socda diyaar garowgii ugu danbeeyay ee qabsoomidda Doorashada.
Ammaanka magaalada Garoowe oo ah halka ay ka dhaceyso doorashada ayaa aad loo adkeeyay iyadoo la dhaqangelinaayo awaamiirtii dhowaan ay soo sareen guddiyada Doorashooyinka iyo hey’adaha Amniga.
