Maanta oo Arbaco ah ayaa waxaa lagu wadaa in Guddiga doorashooyinka Heer dowlad Goboleed ee Koonfur Galbeed ay degmada Baraawe ee Gobolka Shabeellaha Hoose ku qabtaan doorashada Todoba kamid ah kuraasta Golaha Shacabka, kuwaas oo kamid ahaa 13-kii kursi ee ugu dambeeya ee doorashadooda lagu qabanayo magaalada Baraawe.
Guddiga ayaa shalay diiwaangeliyay 26 musharrax oo isugu jira rag iyo dumar oo ku tartami doona kuraastan la shaaciyay.
Dowlad Goboleedka Koonfur Galbeed ayaa todobaadkaan soo geba-gabeeyn doonta doorashada kuraasta Golaha Shacabka ee degaan doorashada tahay degmada Baraawe, waxaana la filayaa in sidoo kale Baydhabo lagu qabto doorashsda Xubnaha ka harsan kuraasta Golaha Shacabka.
