Heshiiskan oo socday ku dhowaad labo sanno ayaa manta ay kula saxiideen hay’adda Gargaaro oo ah laan ka mid ah Wasaaradda Maaliyadda Soomaaliya oo taageerto ganacsiga iyo bankigyada iyo Bankiga Horumarinta jarmalka ee Germany (KFW) ku gaarayn magaalada Muqdisho.
Maalgalinta ayaa xoogga saari doonto ilaha kala duwan ee waxsoo saarka dalka sida Beeraha, Xoolaha, kaluumeysiga, Tamarta, Dalxiiska, Caafimaadka, Waxbarashada iyo Horumarinta dhallinyarada, iyada oo ay goobjoog ka ahaayeen munaasabada Qaar ka mid ah Agaasimyaasha Guud ee Wasaaradda ay khuseyso shaqada, Madaxda sare Gargaaro, Madaxda Bankigyada Somaaliyeed iyo madaxda Horumarinta iyo Iskaashiga Caalamiga Safaaradda Germany Soomaaliya oo ay wehliyaan saraakiisha mashruucan.
Guddoomaiyaha Hay’adda Gaargaro Suleyman Cabdi Ducaale ayaa kaga mahadceliyay shacabka iyo Dowladda Jarmalka taagerida ay la garab taagan-yahiin shacabka Soomaaliyeed, waxuuna hoossa ka xarriiqay muhiimada ay u leedahay taageradaan Soomaaliya.
Madaxaha Horumarinta iyo Iskaashiga Safaarada Jarmalka Soomaaliya Allena Kern ayaa sheegtay in manta maalin taarikh wayn tahay, waxaana ku kalsoonay taagerida gargaaro ganacsiga gaarka, waan idin garab taaganahay.
Mudane Suleymaan Shiekh Cumar Agaasimaha Guud ee Wasaaradda Maaliyadda oo ku hadlay magaca Wasaaradaha si gaarka ah u khuseeyo iyo dowladda Soomaaliya ayaa sheegay waxa ay uga dhigan tahay mashruucac.
Jarmalka waxa uu ka mid yahay dalalka si wayn u taageero dowladda Soomaaliya, waxuuna ka caawiya dhinacyada, Gargaarka, Horumarinta, farsamada ganacta, caafimaadka, waxbarashada iyo Amniga.
