Dowladda Imaaraadka Carabta ayaa deeq raashin ah oo loogu talagalay dadka ay abaaraha saareeyeen ku wareejisay dowladda Federaalka Soomaaliyaa.
Deeqdaan oo ka koobneed 26-Kunteenar oo raashin ah ayaa waxaa kala wareegay Agaasimaha Guud ee Wasaaradda Gargaarka Xukuumadda Federaalka Soomaaliya Axmed Abuukar Axmed.
Wareejinta deeqda ayaa waxaa goob joog ka ahaa Xubno ka socday Safaaradda Dowladda Imaaraadka Carabta ee Magaalada Muqdusho kuwaas oo tilmaamay in ay sii wadi doonaan taageerida dadka ay saameeyeen abaaraha ku dhuftay Dalka.
Agaasimaha Guud ee Wasaaradda Gargaarka Xukuumadda Soomaaliya Axmed Abuukar Axmed ayaa dowladda Imaaraadka Carabta uga mahadceliyay deeqda gar gaarka ah ee ay soo gaarsiiyeen shacabka Soomaaliyeed.
