Hey’adda Bisha Cas ee dalka Imaaraadka Carabta ayaa magaalada Muqdisho ka bilowday mashruuc afurin ah oo lagu caawinayo dadka danta yar ee ku nool caasimadda.
Saraakiisha hey’adda ayaa sheegay in inta lagu jiro bisha Ramadaan maalin kasta la afurin doono ilaa 600 oo qof, iyadoo mashruucan lagu bilaabay degmada Xamar weyne ee gobolka Banaadir.
Guddoomiyaha degmada Xamar weyne Daahir Maxamed Axmed oo kamid ahaa mas’uuliyiintii goobjooga ka aheyd furitaanka mashruucan ayaa sheegay in ay soo dhoweynayaan cid kasta oo doonaysa in ay caawiso dadka talaabeysan ee ku dhaqan degmadiisa.
Deeqdan ayaa ku soo aadanaysa xilli dalka ka jiraan abaaro si weyn u saameeyay nolashada dadka iyo duunyada iyo sicir barar aad u sareeya oo ku yimid cuntooyinka daruuriga ah.
Mashruucan cuntada bisil lagu siinayo dadka danta yar oo ay waddo hey’adda bisha cas ee Imaaraadka ayaa noqonaya mashaariicda kheyriga ah oo loogu gurmanayo dadka Soomaaliyeed oo dhibaatooyinka daashadeen.
