Dalka Mareykanka ayaa lagu soo waramayaa in Duufaanta loogu magac daray Alberto, oo ah tii ugu horreysay ee sannadkaan 2018 ka dhacdo Mareykanka, ay garaacday xeebta Laguna ee gobolka Florida ee wadankaasi.
Duufaanta Alberto ayaa laga cabsi qabaa in biyo cabirkoodu lagu qiyaasay 30 sentimitir ku hooriso qeybaha waqooyi-galbeed ee Florida,Khubarrada saadaasha hawada ayaa sheegay in xawaaraha dabeysani uu yahay 75km saacadiiba,taasi oo geysnayso qasaare xoogan.
Waxaa la saadaalinayaa in Duufaantan inta badan xoogeedu u badnaan doonto xeebaha ayaa saameynteeda la dareemi doonaa sida ay khubaradu qiyaasayaan inta u dhaxeysa 1-da June ilaa dhamaadka November.
Kooxaha ka shaqeeyaa saadaasha hawada ayaa tilmaamayaa in Ilaa iyo 16 duufaano hawada ay garaaci doonaan sanadkaan gobollo ka mid ah Mareykanka.
Sannadki hore duufaano badan ayaa ka dhacay Mareykanka oo ay ka mid ahaayeen Harvey, Irma iyo Maria, kuwaas oo waxyeello ba’an gaarsiiyay Puerto Rico, Houston, Texas, xeebaha Florida.
Dalka Mareykanak ayaa inta badan waxaa ku soo laalaabtay duufaanada iyo daadadkla xoogan,kuwaasi oo qasaarooyin xoogan ugeysta nolosha bulshada,iyadoo ay go’aan inta badanb adeegyada muhiimka ah sida korontada biyaha iyo wixii lamid ah.
