Xaawa Maxamuud Cali, waa gabar ka soo jeedda qoys dan yara da’deedana lagu qiyaasay 2 sano & 8 bilood, waxaa ay ku nooshahay Xaafadda Dharkenley gaar ahaan Kaawa Godeey, waxey la ildarantahay xanuun aad u dhibaateeyay Isheeda Midig guud ahaan.
Xaawa, waxa ay la nooshahay Hooyadeed & Aaabaheed oo aan tabar badan laheyn gargaar caafimaad oo dibadda ah geystaan inantooda yar oo muddo 5 bilood ku xanuunsaneysay magaalada Muqdisho, maadaama ay dhakhaatiirta cadeeyeen in ay adag tahay in gudaha dalka lagu daweyn karon xanuunka haya gabadhaan.
Sheekh Cabdi Xayi Sheekh Aadam Xasan, oo ah gudoomiyaha guddiga gurmadka gabadhan yar ayaa ugu baaqay dhamaan bulshada Soomaaliyeed iney garab siiyaan inantaan yar ee ku jirta xaaladda khatarta badan si loogu helo gargaar caafimaad oo dibadda ah.
Maxamuud Cali Shariif, oo ah aabaha dhalay Xaawa ayaa sheegay inuusan ka quusanin in gabadhiisa loogu helo gargaar caafimaad si loola tacaalo xaaladeeda, isagoona codsi u diray guud ahaan shacabka Soomaaliyeed.
Hadaba qofkii doonaya in uu caawiyo gabadhan xanuun waxaa ay la xiriir kartaa Telefoonka +252615535508.
Mahadsanid
