Garoonka Diyaaradaha Dhuusamareeb, ayaa lagu soo dhaweeyay wafdi ka yimid Muqdisho oo uu hoggaaminaayo guddoomiyaha cusub ee Degmada Hobyo Cusman Axmed Cabdule, ayna qeyb ka yihiin waxgarad iyo ganacsato u yimid sidii ay u la kulmi lahaayeen madaxda Dowlad goboleedka Galmudug sida Madaxweyne QoorQoor oo la filaayo inay isla lafa guraan sida ugu wanaagsan ee looga shaqeyn karo howlaha horumarineed ee Degmada Hobyo.
Mas’uuliyiin dowladeed oo ka tirsan Wasaaraddaha Galmudug, kuxigeenka Duqa Dhuusamareeb Cabdisamad Salaad Aadan iyo qaar kamid ah bulshada kasoo jeeda Mudug ee ku sugan Caasimadda,ayaa wafdiga duqa Hoobyo kaga hortagey Garoonka Ugaas Nuur ee Dhuusamareeb, iyagoo si sharaf leh wafdiga ugu soo galbiyey gudaha caasimadda, ugana wareestay ajandayaasha howlaha muhiimka ah ee u yaala maamulka cusub.
Related posts
Hobyo oo ah degmo xeebeed istaraatiiji u ah Galmudug, ayaa muddooyinkii dambe sameynaysay dhaqdhaqaaq ganacsi oo baaxad leh, kaas oo soo bilaawday dhawaan kuna qotoma maalgashi ay sameeyeen ganacsatada oo suuragaliyey in dekedu bilaawdo shaqooyinka soo dejinta adeegyada fudud iyo gaadiidka, oo Xukuumaddu ka hesho dhaqaale baaxad leh.
Maayerka cusub ee Hobyo Cusman Axmed Cabdule, ayaa u sheegey Mas’uuliyiinta soo dhaweeyay in uu isku howli doono sii wadista howlaha horumarinta dekeda iyo guud ahaanba degmadaasi, kalana fariisan doono madaxda isaga ka sareysa, soona kordhin doono mashaariicda lagu dhiso adeegyada bulshada.
