Guddiga Horumarinta Adeegga Bulshada ee Golaha Shacabka Baarlamaanka Jamhuuriyadda Federaalka Soomaaliya ayaa kulan ku yeeshay xarunta Guddoonka iyo Guddiyada ee Villa Hargeysa.
Kulanka oo ay shir Gudoominaysay Gudoomiyaha Guddiga Horumarinta Adeegga Bulshada ee Golaha Shacabka Xildhibaan Nadra Saalax Cabdi,oo ay wehlinayeen Xubnaha Guddiga ayaa ajendahiisu ahaa Wax-ka-bedelka Hindise-sharciyeedka Liiltirka iyo howlgabka Shaqaalaha Rayidka ee Dowladda.
Intaa kadib, Xubnaha Guddiga ayaa ka dooday. Qodobada qaar, ee ku jira Hindise-sharciyeedkan, ayagoo wax-ka-bedel ku sameeyay Cutubyo kamid ah, Cutub-yada Hindise-sharciyeedka Liiltirka iyo howlgabka Shaqaalaha Rayidka ee Dowladda oo ay soo gudbisay Wasaaradda shaqada iyo Arimaha Bulshadda Xukuumadda Federaalka Soomaaliya.
Guddiga ayaa sheegay inay sii wadayaan Akhrinta iyo wax-ka-bedelka Hindise-sharciyeedkan Maadama uu muhiim u yahay Shaqaalaha Rayidka ee Dowladda.
Dhanka kale Guddoomiye Xildhibaan Nadra ayaa sheegtay Inay ka shaqeyn doonaan, ayna marsiin doonaan. dhamaan Hab-raacyada Hindise-sharciyeedka uu maro, si waafaqsan Dastuurka KMG ah iyo Xeer-hoosaadka Golaha Shacabka, sida Dhageysiga Dadweynaha Akhrinta 2aad, 3aad iyo Ansixintiisuba.
