Guddigii loo saaray baaritaanka dilkii Gaalkacyo loogu geystay AUN Sheekh Cali Axmed oo soo bandhigay natiijada baaristooda

Guddigii loo saaray baaritaanka dilkii Gaalkacyo loogu geystay AUN Sheekh Cali Axmed Faaraxx oo ka mid ahaa culimada waaweyn ee gobolka ayaa soo bandhigay natiijada baaristooda.

Taariikhdu markey aheyd 11/05/2021 waxaa deegaanka xera Jaalle  oo hoostaga Degmada Gaalkacyo lagu dilay AUN Sheekh Cali Axmed Faarax waxaana halkaasi baaris u tagay guddi isugu jira saraakiil baarayaal ah oo ka socday xafiiska xeer ilaaliyaha maxkamdda ciidamada qalabka sida iyo hogaanka baarista danbiyada CID, kuwaas oo markii ay tagen goobta cadeymo  marag muujin ah ka qoray marqaatiyaal iyo dhibanyaal, waxaana si buuxda ugu cadaatay dilka inuu geeystay D/LLE Bol 490  Cabdixakiim Cabdisalaan Aaadan (Hindhiso) ka tirsan ciidanka booliska Degmada Gaalkacyo, ayna dilka ku gacan siiyeen 1 Ina Saciid Cabdixidig iyo ina baal Baal, kuwaas oo u baxsaday dhanka degmada Goldogob ee Gaalkacyo Mudug.

Related posts

Ururka Iskaashiga Islaamka oo si buuxda u garab istaagay Soomaaliya, kana horyimid aqoonsi beenaadka

January 10, 2026

Wasiirka Arrimaha dibedda XFS oo sheegay in Soomaaliya ay difaacaneyso Midnimadeeda

January 10, 2026

Markuu arkay guddigu cadeymihii laga qoray marqaatiyaasha, dhibanayaasha, maragmuujinada iyo danbi muujinada la horkeenay guddiga, isla markaana eegay codsigii amarka soo qabashada eedeeysane   D/LLE Bol 490  Cabdixakiim Cabdisalaan Aadan (Hindhiso) ee ku taariikheysnaa 15/06/2021 iyo waarankii maxkamadfu u jartay ee isna ku taariikheysnaa 16/06/2021 Guddiga wuxuu soo saaray

1. In si deg deg ah hay’addaha amniga ee Puntland iyo Galmudug ay u soo qabtaan eedeeysanayaasha kor ku xusan, iyagoo fulinaya amarkii soo qabashada ee Maxkamada Ciidamad Qalabka Sida, islamarkaana horkeenaan xafiiska xeer ilaaliyaha maxkamada ciidmada Qalabka Sida si caddaalada loo horgeeyo
2. Haddi eedeeysanayaasha aysan hor imaan, lana soo qaban muddo 2 bilood gudahood ah waxaa xafiiska xeer ilaaliyaha guud ee C.Q.S ugudbin doonaa Maxkamada C.Q.S galdacwadeedka eedeeysanayaasha, iyadoo loo fariisan doono dacwadooda iyagoo maqane ah lana xukumi doono.
3. Waxaa sidoo kale guddiga usoo baxay in saraakiisha booliiska Gobalka Mudug iyo xafiiska la dagaallanka argagixisada iyo xuuraanka ciidanka Booliska ay sameeyeen waajib gudasho la’aan la xariirta dhacdadan, waxaana laga qaadi doonaa Tallaabo sharciga waafaqsan.