Kulankani maanta Baarlamaanka Dalka uu ku yeeshay xarunta golaha shacabka ee magaalada Muqdisho, islamarkaana uu shir guddoominayay Guddoomiyaha baarlamaanka Soomaaliya mudane Maxamed Sheikh Cusmaan Jawaari ayaa waxaa hortagay Guddoomiyaha Bankiga Dhexe, iyadoo xildhibaannada ay weydiiyeen Suโaallo la xiriira howlaha Bankiga.
Qaar ka mid ah Xildhibaannada ayaa guddoomiyaha Bankiga dhexe Bashiir Ciise Cali weydiiyay Sababaha uu u soo daaho mishaaraadka shaqaalaha rayidka ah iyo Ciidamada Qalabka sida,lacagaha faalsada ah ee dalka ku jirta, sababta loo soo saari laโyahay lacaga shilin Soomaali ah oo dalka yeesho, iyo suโaallo kale.
Guddoomiyaha Bankiga dhexe Bashiir Ciise Cali oo ugu jawaabay suโaallaha xildhibaannada aya weydiiyeen ayaa sheegay sababta mishaaraadka shaqaalaha Dowladda uu u daaho in ay qeyb ka tahay khilaafaadka mararka qaar dhaca, tan lacagaha faalsada ee dolarka ayaa waxa uu ku jawaabay in taasi ay jirto islamarkaana Bankiga dhexe uu qorsheynayo in laga hortago, waxaana cid kasta uu ugu baaqay in arinkaasi ay ka hortagto.
Guddoomiye ku xigeenka labaad ee Baarlamaanka Soomaaliya mudane Mahad Cabdalla Cawad ayaa ka dalbaday Xukuumadda in ay soo sameyso lacaga shilin Soomaali ah oo uu dalkani yeelanayo.
Dhinaca kale waxaa kulankii maanta lagu dhaariyay laba xildhibaan oo ka mid noqonaya baarlamaanka Soomaaliya oo badalaya xildhibaanno horey u geeriyooday oo golaha shacabka ka mid ahaa.
