Cabdiqaadir Cali Maxamed Guddoomiyaha guddiga Qaxootiga iyo Barakacayaasha ee dowlad Goboleedka Koonfur Galbeed oo la hadlay Radio Muqdisho ayaa sheegay in maanta ay qabteen xuska maalinta qaxootiga oo ku beegan 20-ka bishan, balse ay soo hormarsadeen qabsoomidda munaasabaddaas, si wacyigelin loogu sameeyo barakacayaasha ku nool magaalada Baydhabo.
Cabdiqaadir ayaa sheegay in agab caafimaad ay u qaybiyeen barakacayaasha si looga hortago faafidda cudurka COVID-19, ayna u sameeyeen wacyi gelin ku aadan hannaanka looga hortagi karo cudurka.
Related posts
Guddoomiyaha Guddiga Qaxootiga iyo Barakacayaasha ee Koonfur Galbeed ayaa sheegay inay kulamo la qaateen masโuuliyiin ka tirsan hayโadda Qaramada Midoobay u qaabilsan qaxootiga ee marka magaceeda la soo gaabiyo loo yaqaan UNHCR, oo ay kala hadleen sidii dib u dajin loogu sameyn lahaa barakacayaasha ku dhibaateysan qeybo ka mid ah Koonfur Galbeed ee dalka.
โWaxaan kala hadalnay in mashaariic loo sameeyo iyo xal waara barakacayaasha iyo muwaadinta kale ee ka soo laabtay xeryaha qaxootiga dalka Kenya, si ay u noqdaan dad noloshooda maareen karoโ ayuu yiri Guddoomiye Cabdiqaadir.
Mudane Cabdiqaadir cali Maxamed ayaa hoosta ka xariiqay inay jiraan qoysas badan oo dalka dib ugu soo laabtay, kuwaasi oo ka soo laabtay xeryaha qaxootiga ee dalka Kenya, isagoo dowladda Federaalka uga mahadceliyay kaalinta ay ka geysato samata bixinta barakacayaasha iyo kuwa kale ee dalkooda dib ugu soo laabtay.
Guddoomiyaha Guddiga Qaxootiga iyo Barakacayaasha ee dowlad Goboleedka Koonfur Galbeed mudane Cabdiqaadir Cali Maxamed ayaa sheegay in xafiiskooda uu ka warqabo xaaladda ay ku suganyihiin barakacayaasha ku nool deegaannada Koonfur Galbeed, ayna sameeyaan labadii bil mar kormeer ay ku tegayaan goobaha ay ku noolyihiin barakacayaasha, si ay u helaan xogta dhabta ah iyo baahiyaha gaarka ah ee ay qabaan qoysaska barakacayaasha.
โRuntii isu socodka waxaa saameyn ku yeeshay COVID-19 oo aysan jirin suurtagalnimada inaan ku tegno goobaha ay joogaan, balse maamulada degmooyinka ayaa kaashanaa helidda xogta iyo xaaladaha ay ku suganyihin, waxaana sameynaa tirikoob ku aadan tirada barakacayaasha iyo haddii ay jiraan kuwa cusub oo ku soo kordhayโ ayuu hadalkiisa ku daray Cabiqaadir Cali Maxamed.
Guddoomiyaha Guddiga Qaxootiga iyo Barakacayaasha ee Koonfur Galbeed ayaa ugu baaqay hayโadaha samafalka aysan keenin waxkasta oo ay iyaga rabaan oo kaliya, balse ay ku saleeyaan waxyaabaha ay keenayaan baahiyaha ka jirta deegaannada ay gurmadka ka geysanayaan, lana baro xirfado ay ku shaqeystaan si u maareen mustaqbalka dhaw noloshooda.
