Guddoomiye ku-xigeenka Maamulka iyo Maaliyadda ee Gobolka Banaadir Mudane Ciise Maxamud Guure ayaa kulan la qaatay Guddiga dib u eegista sharuucda iyo tariifada ay qaadaan ciidanka Nabad-galyada Wadooyinka, Guddigaas oo uu dhawaan magacaabay Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale).
Guddoomiye Ciise Maxamud Guure oo ah Guddoomiyaha Guddigaan ayaa warbixin ka dhageestay xubnaha kulankan ka qeyb galay, isagoo faray in la dardargaliyo sidii wax ka badal loogu sameyn lahaa Sharuucda iyo Tariifada ay qaadaan ciidanka Nabad-galyada Wadooyinka.
