Ciidanka xooga dalka Soomaaliyeed, ayaa howlgalo ka sameeyay deegaano ka tirsan degmada Maxaas ee gobolka Hiiraan, waxaana howlgalkaasi lagu diley afar ka tirsan maleeshiyaadfka kooxda Al-shabaab sida ay sheegeen saraakiisha ciidanka.
Howlgalka, ayaa sidoo kale waxaa qeyb ka ahaa maleeshiyaad iskood isku abaabuley oo ah dadka deegaanka, kadib markii ay ka dhiidhiyeen dhibaatada joogtada ah oo alshabab ay u geysanayaan dadka shacabka ah.
Dadka deegaanada howlaglka laga sameeyay ayaa si weyn u soo dhaweeyay, waxayan sheegeen in ay talaabadan ay tahay mid kaga nafisayaan dhibaatada kooxda Al-shabaab.
Saraakiisha ciidanka xooga dalka, ee ku sugan gobolka Hiiraan ayaa sheegay in ay sii wadi doonaan howlgalada noocaan ah si maleeshiyaadka kooxda nabad diidka ah looga dulqaado shacabka Soomaaliyeed ee ku nool goobahaasi.
Ra’iisul Wasaare Kuxigeenka Dalka Oo Maanta Qaatay Kaadhka Codbixinta Doorashooyinka
RADIO MUQDISHO:-Ra’iisul Wasaare Kuxigeenka Xukuumadda Faderaalka Soomaaliya Mudane Saalax Axmed Jaamac ayaa maanta qaatay Kaarka Cod-bixinta ee Guddiga Madaxa Bannaan...
