Howlgal uu hoggaaminayey Taliye ku xigeenka NISA ee Gobolka Shabelaha Hoose Gashaanle Maxamed Xaaji Muqtaar (Gacmadheere) kaasoo ujeedkiisa ahaa xaqiijinta amniga deegaanka Ceelasha biyaha ayaa saqdi dhexe ee xalay laga sameeyey isla gudaha Ceelasha biyaha.
Si looga hortago dhagaraha cadowga usoo maleegayo bulshada Caasimadda dalka ku nool ayuu Taliye Gacmadheere ku guuleystay in howlgallo qorsheysan uu ka fuliyo deegaanka Ceelasha biyaha iyo deegaannada ku xeeran.
Taliye ku xigeenka Hay’adda Nabadsugidda iyo Sirdoonka Qaranka ee Gobolka Shabelaha Hoose Gashaanle Maxamed Xaaji Muqtaar ayaa deegaannada uu howlgallada ka fuliyay waxaa ka mid ah degmada Afgooye, Ceelasha biyaha, Jasiira iyo Markazka Tawakal, halkaasi oo mararka qaar ay dhagarqabayaashu ka soo maleegi jireen falalka lagu dhibaateeyo shacabka
Waxaa in muddo ah laga nastay dhagarti ay maleegi jireen kooxaha Khawaarijta ah, waxaana bulshada Caasimaddu ay ku naaloonayaan Nabadgelyo.
