Xili uu jiro cadaadis caalami ah oo ku wajahan Xukuumadda Pyongyang ee kuuriyadda Waqooyi, ayaa lagu soo waramaya in ay Kuuriyada Waqooyi ay weli ku taamayso horumarinta Gantaaladeeda ridadad Dheere.
Gantaal hor leh ayaa Dowladda Kuuriyada Waqooyi markale tibaasiya xalay gelinkii dambe kaasi oo dulmaray Dalka Japan islamarkaana la sheegay in uu ku dhacay badda.
Ra’iisul wasaaraha Japan, Shinzo Abe, ayaa ku tilmaamay gantaalkaa la dul mariyey dalkiisa khatar “aan hore loo arag”.
Ciidamada Dowladda Jabaan oo heegan ku jiray ayaan isku dayin in ay soo ridaan Gantaalkaasi, oo Xukuumadda Tokyo ay walaac xoogan ka muujisay.
Waa markii ugu horeysay oo Dalka Jabaan uu si toos ah u dulmaro Gantaal ay soo ridday Kuuriyada Waqooyi tan iyo markii ay sare u qaaday taijaabada Gantaalada Ridada dheer.
Gantaalkan la riday markii uu dul maray Japan waxa markiiba fariimaha digniinaha ah diray raadaallada dalkaas, hase yeeshee warbaahinta Dowladda Jabaan ayaa sheegtay in aanu wax khasaare ahi dhicin.
Dowladda Japan iyo qaar ka mid ah wadamada ka soo horjeeda Gantaalada Waqooyi Kuuriya ayaa ugu baaqay Golaha Ammaanka ee QM in ay kulan deg deg ah ay ka yeeshaan talaabooyinkan ay ku dhaqaaqeyso Xukuumadda Pyongyang.
Ra’iisul wasaaraha Dalkaasi Japan Mr Abe ayaa gantaalkan loo ganay xaga dalkiisa ku tilmaamay “fal laga caroodo ” iyo in uu yahay “khatar halis ah oo aan hore u dhicin taas oo dhaawacaysa nabada iyo nabadgelyada gobolka”. Waxaan intaa ku daray in xukuumadiisu qaadayso wax kasta oo ay nolosha shacabka ku ilaalinayso.
Todobaadkii hore ayaa Kuuriyada Waqooyi waxaa ay tijaabisay Gantaalo dhowr ah, balse waxay militariga Mareykanku ay ku sheegeen in ay ahaayeen kuwo aan ridadooda dheereen.
