Magaalada Kismaayo ee xarunta gobolka Jubbada hoose waxaa haatan ka socota doorashada lix kursi oo ka mid ah xubnaha golaha Shacabka ee ka imaanaya dhinaca dowlad goboleedka Soomaaliyeed ee Jubbaland.
Kursigii ugu horreeyey oo la qabtay doorashadiisa ayaa waxaa kusoo baxay Dr, Xamza Barre oo helay 69 cod, halka musharraxii la tartamayayna uu isna helay 17 cod, waxaana hallaabay 15 cod , sida uu sheegay guddiga doorashada ee Jubbaland.
Sidoo kale waxaa kursiga labbaad ku tartamay, Cabdirashiid Jire Qalinle iyo Siyaad Aadan Iidle, Cabdirashiid Jire Qaline ayaa helay 75 cod, halka Siyaad Aadan Iidle uu helay20 cod.
Doorashada ayaa haatan sii soconeyso, iyada oo la dhameystirayo inta ka dhimaan kuraasta loo asteeyay in maanta la soo doorto.
