Rag hubeysan ayaa sii dayey ilaa iyo 100 arday oo muddo saddex bilood ah ay afduub ugu heysteen gobalka waqooyiga galbeed ee dalkaasi Nigeria.
Bishii may ee sannadkan ayaa kooxdan hubeysan waxay weerar ku qaaday iskuul ku yaala magaalada Tegina, halkaasoo ay ku afduubeen ilaa 130 Arday oo halkaasi ku sugnaa.
Lix ka mid ahaa ardaydaasi ayaa la dilay halka 15 kalana ay ka baxsadeen Gacanta afduubayaasha bishii june ee sannadkan sida ay xaqiijiyey saraakiil ka tirsan dugsiga la weeraray.
Abuubakar Al hasssan oo ka tirsan mas,uuliyadda dugsiga ardayda lagu afduubay ayaa Wakaalada wararka ee AFP u sheegay in dhamaan ardayda la sii daayay.
Ilaa 1,000 ayaa lagu afduub dalkaasi ilaa bishii december ee sannadkii hore iyadoo kooxahaaasi ay bartilmaameedsadaan dugsiyadda waxbarasho, kuwaa oo sii deynta Ardayda ku qaata lacago badan oo madax furasho ah.
