Taliyaha Guutada 22-aad ee Boliis Milatari Korneyl Cabdiraxmaan Macalin Maxamuud oo la hadlay Warbaahinta Qaranka ayaa sheegay in ciidanka amniga caasimadda ay isku dhigaan qaraxyadii Khawaarijta ku leyn jirtay Shacabka Soomaaliyeed.
Korneyl-ka ayaa yiri: “Ciidamada ayaa isku dhiga Qaraxyadii Khawaarijtu shacabka ku layn jirtay”.
Korneyl Cabdrixmaan Macalin Maxamuud ayaa sheegay in Caasimadda Muqdisho hadda tahay meel amnigeeda la isku haleyn karo, una taaganyihiin sii adkeynta amniga caasimadda si shacabka Soomaaliyeed ugu noolaadaan xasillooni waarta.
Taliyaha Guutada 22 aad ee Boliis Milatari Korneyl Cabdirixmaan Macalin Maxamuud ayaa ugu baaqay Shacabka Soomaaliyeed in ay la shaqeyaan ciidanka , si amniga ugu guuleystaan sugidiisa.
Shir lagu soo bandhigay horumarka iyo guulaha laga gaaray amniga caasimadda ayaa shalay ka dhacay Muqdisho, kaas oo ay ka qeybgaleen mas’uuliyiin kala duwan.
