Kulan looga hadlay Amaanka iyo sidii Maleeshiyaadka Al shabaab looga saari lahaa G/ Bakool oo ka dhacay Xudur

Kulan looga hadlayay Amaanka iyo xasiloonida Gobolka Bakool ee koonfurta Soomaaliya kana mid ah deegaanada hoose yimaada maamulka koonfur galbeed Soomaaliya ayaa lagu qabtay Magaalada Xudur ee Xaruunta Gobolka Bakool.

Shirkaan ayaa waxaa soo agaasimay maamulka degmada waxaana goobjoog ka ahaa Ma’suuliyiinta degmada,Saraakiisha Ciidamada Xoogga Dalka Soomaaliya shirka ayaa Xoogga lagu saaray Iskaashiga Amaanka Xudur iyo guudahaanba Gobolka Bakool.

Related posts

Wasiirka Dekadaha XFS oo heshiis Is-afgarad ah la saxiixday Agaasimaha Shirkadda Somali Ship Register Limited

March 29, 2026

Guddoomiyaha Golaha Shacabka BJFS oo kulan mira-dhal ah la qaatay Mas’uuliyiin ka tirsan dowladda

March 29, 2026

Maxamed Xasan C/raxmaan wariyaha Warbaahinta Qaranka ee Gobolka Bakool ayaa soo sheegaaya in kulanku inta uu socday laysku wadaarsaday xogo ku saabsan in layska kaashado Amaanka iyo horumarinta Gobolka.

Ciidamada Xoogga Dalka Soomaaliya ayaa Gobolka Bakool waxaa ay ka wadaan guluf dagaal oo maleeshiyaadka Nabad diidka Al shabaab looga saarayo deegaanada yar yar ee ay kaga harsan yihiin Gobolkaasi iyadoo ay jirto in maleeshiyaadku ay jareen wadooyinka soo gala Magaalada Xudur ee Xaruunta Gobolka Bakool.