Kulankan oo ay soo agaasintay wasaaradda haweenka iyo xuquuqul insaanka Galmudug oo gacan kaheleysa hay’adda UNDP isla markaana looga hadlayay ilaalinta iyo dhowrisata xuquuqda haweenka ayaa lagu qabtay magaalada Gaalkacyo waxaana ka soo qeybgalay Mas’uuliyiin ka sacoday wasaaradda haweenka Galmudug saraakiil iyo qeybaha kala duwan ee bulshada.
Isku duwaha wasaaradda haweenka Gobalka Mudug Drs Yurub Cabdulqaadir Sheekh Cali ayaa ugu horeyn ka warbixisay ujeedka kulankaan.
Qaar ka mida saraakiishii ka socatay ciidanka booliiska ayaa iyaguna ka hadlay doorka ciidanka booliisku ay ka qaataan ilaalinta xuquuqda haweenka iyo kaalinta ay haweenka Soomaaliyeed ku leeyihiin difaaca Qarankooda.
