Magaalada Garowe waxaa ka qabsoomay kulanka xoojinta xiriirka ka dhaxeeya Wasaaradda Arrimaha Gudaha Xukuumadda Federaalka Soomaaliya iyo Wasaaradaha Arrimaha Gudaha Dowlad Goboleedyada dalka.
Kulanka xoojinta xiriirka wada shaqeynta iyo Dib-u-heshiisiinta heer Qaran waxaa ka qeybgalay Agaasimaha Guud ee Wasaaradda Arrimaha Gudaha Dowladda Federaalka Soomaaliya Mudane Saciid Cabdullaahi Calasow iyo Agaasimeyaasha Guud ee Wasaaradaha Arrimaha Gudaha ee xubnaha ka ah Dawladda Federaalka.
Ujeedka kulanka ayaa ahaa xoojinta xiriirka wada shaqeyn ee ka dhexeeya Wasaaradaha Arrimaha gudaha ee heer Federaal iyo heer dawlad Goboleed, lana dar dargeliyo shaqooyinka ay wadaagaan Wasaaradahu iyo ka doodista mideynta siyaasadda dib u heshiisiinta Dalka, waxaana la isku afgartay in la joogteeyo kulamada nuucaani oo kale ah, lana xoojiyo wada shaqeynta.
